وفاقی وزیرِ داخلہ دا آواران اچ فتنہ الہندوستان دے 3 دہشت گرداں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 17 ستمبر (اے پی پی) وفاقی وزیرِ داخلہ محسن نقوی بلوچستان دے ضلع آواران اچ آپریشن ردالفتنہ 3 دے تحت ‘فتنہ الہندوستان’ دے دہشت گرداں دے خلاف سکیورٹی فورسز دی کامیاب کارروائی دی بھرپور ستائش کیتی اے۔ ہک بیان اچ وزیرِ داخلہ ویلھے تے کارروائی دے دوران 3 دہشت گرداں کوں جہنم واصل کرݨ تے سکیورٹی فورسز دے افسراں تے جواناں دی اعلیٰ پیشہ ورانہ صلاحیتاں کوں سراہندے ہوئیں آکھیا جو دہشت گرداں دے مذموم عزائم کوں خاک اچ ملاوݨ تے او فورسز کوں سلام پیش کریندن۔ محسن نقوی آکھیا جو بلوچستان اچ دیرپا امن تے استحکام دے قیام کیتے سکیورٹی فورسز دے بہادر سپوت غیر متزلزل عزم دے نال سرگرمِ عمل ہن۔ انہاں ݙو ٹوک انداز اچ واضح کیتا جو ملک دشمن دہشت گرداں تے انہاں دے سہولت کاراں دا منݙھوں مکمل خاتمہ پوری قوم دی متفقہ آواز اے۔ انہاں آکھیا جو وطنِ عزیز توں فتنہ تے دہشت گردی دے ناسور کوں مٹاوݨ دی ایں جنگ اچ پوری قوم یکسو تھی تے آپݨی بہادر سکیورٹی فورسز دے نال کھڑی اے۔