سکیورٹی فورسز بلوچستان دے ضلع بسیمہ اچ بھارتی حمایت یافتہ فتنہ الہندوستان نال تعلق رکھݨ آلے 14 دہشت گرد ہلاک کر ݙتے، وطن دا بہادر سپوت لانس حوالدار محمد عباس شہید

راولپنڈی۔ 9 جون (اے پی پی) بلوچستان دے ضلع بسیمہ اچ سکیورٹی فورسز بھارتی حمایت یافتہ فتنہ الہندوستان نال تعلق رکھݨ آلے 14 دہشت گرد ہلاک کر ݙتن جڈانجو شدید فائرنگ دے تبادلے دے دوران وطن دے بہادر سپوت لانس حوالدار محمد عباس شہید تھی ڳئے۔ منگل کوں آئی ایس پی آر توں جاری تھیوݨ آلے بیان دے مطابق 8 جون کوں خفیہ اطلاعات موصول تھیاں جو بھارتی حمایت یافتہ فتنہ الہندوستان نال تعلق رکھݨ آلے دہشت گرد بلوچستان دے ضلع بسیمہ دے علاقے نال اچ موجود ہن۔ اطلاعات دے مطابق اے دہشت گرد قریبی پولیس سٹیشن تے بینکاں تے حملے دی منصوبہ بندی کریندے پئے ہن۔ اطلاع ملدے ای سکیورٹی فورسز دہشت گرداں دے مذموم عزائم ناکام بݨاوݨ کیتے انٹیلی جنس بنیاداں تے فوری آپریشن شروع کیتا۔آپریشن دے دوران دہشت گرداں دی نقل و حرکت کوں مؤثر انداز اچ روکیا ڳیا اتے سکیورٹی فورسز بھرپور کارروائی کریندیں ہوئیں انھاں کوں نشانہ بݨایا۔ شدید فائرنگ دے تبادلے دے بعد بھارت دے حمایت یافتہ 14 دہشت گرد ہلاک کر ݙتے ڳئے جڈانجو کئی دہشت گرد زخمی تھئے۔ دہشت گرداں دے زیرِ استعمال چار گاݙیاں تے دیسی ساختہ بارودی مواد (آئی ای ڈیز) وی موقع تے تباہ کر ݙتے ڳئے، جڈانجو شدید فائرنگ دے تبادلے دے دوران وطن دے ہک بہادر سپوت لانس حوالدار محمد عباس انتہائی جوانمردی نال لڑدے ہوئیں آپݨی جان دا نذرانہ پیش کیتا اتے جامِ شہادت نوش کیتا۔ علاقے اچ موجود کہیں وی ٻئے بھارتی حمایت یافتہ دہشت گرد دے خاتمے کیتے کلیئرنس تے سرچ آپریشن جاری اے۔ آئی ایس پی آر آکھیے جو سکیورٹی فورسز تے قانون نافذ کرݨ آلے ادارے وفاقی ایپکس کمیٹی دے منظور شدہ عزمِ استحکام وژن دے تحت دہشت گردی دے خلاف آپݨی مسلسل مہم پوری رفتار نال جاری رکھیسن تاں جو ملک توں بیرونی سرپرستی تے حمایت یافتہ دہشت گردی دے ناسور دا مکمل خاتمہ کیتا ونڄ سڳے۔