جنرل اسمبلی دے 81 ویں اجلاس دے دوران پاکستان دی فعال شرکت کیتے قریبی رابطیاں تے تیاری کوں یقینی ٻݨایا ونڄے، نائب وزیراعظم اسحاق ڈار

اسلام آباد۔ 15 ستمبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار ہدایت کیتی جو اقوامِ متحدہ دی جنرل اسمبلی دے 81 ویں اجلاس دے دوران پاکستان دی فعال شرکت کیتے قریبی رابطیاں تے تیاری کوں یقینی ٻݨایا ونڄے۔ منگل کوں ترجمان دفترِ خارجہ توں جاری بیان دے مطابق نائب وزیراعظم تے وزیرِ خارجہ سینیٹر محمد اسحاق ڈار اقوامِ متحدہ دی جنرل اسمبلی دے 81 ویں اجلاس دے پروگرام دے جائزہ دے حوالے نال اجلاس دی صدارت کیتی ڄیندے اچ سیکرٹری خارجہ تے خصوصی سیکرٹری یو این نائب وزیراعظم تے وزیرِ خارجہ کوں مجوزہ پروگرام دے حوالے نال بریفنگ ݙتی ڄیندے اچ اعلیٰ سطح دی مصروفیات، ݙو پاسہ ملاقاتاں دے علاوہ اقوامِ متحدہ دی جنرل اسمبلی دے موقع تے ٻیاں اہم مصروفیات شامل ہن۔ سینیٹر اسحاق ڈار مجوزہ پروگرام دا جائزہ گھدا، ایں دیاں ترجیحات تے انتظامات بارے رہنمائی فراہم کیتی اتے ہدایت کیتی جو اقوامِ متحدہ دے اعلیٰ سطح دے اجلاس دے دوران پاکستان دی فعال شرکت کیتے قریبی رابطہ تے تیاری کوں یقینی ٻݨایا ونڄے۔