اسلام آباد۔23 ستمبر (اے پی پی) وفاقی وزیر داخلہ محسن نقوی بلوچستان دے علاقے پشکان اچ سمگلنگ دی وݙی کوشش ناکام بݨاوݨ تے پاکستان نیوی تے پاکستان کوسٹ گارڈز کوں زبردست خراجِ تحسین پیش کیتے۔ اپݨے بیان اچ وفاقی وزیر داخلہ مشترکہ آپریشن اچ حصہ گھنݨ آلی پوری ٹیم دی اعلیٰ پیشہ ورانہ مہارت دی تعریف کریندے آکھیے جو ݙوہیں اداریں وقتی جوائنٹ آپریشن دے ذریعے باری مقدار اچ …
وفاقی وزیر داخلہ دا پشکان اچ سمگلنگ دی وݙی کوشش ناکام بݨاوݨ تے پاک بحریہ تے کوسٹ گارڈ کوں خراجِ تحسین
مزید خبراں
اسلام آباد۔23 ستمبر (اے پی پی) وفاقی وزیر داخلہ محسن نقوی بلوچستان دے علاقے پشکان اچ سمگلنگ دی وݙی کوشش ناکام بݨاوݨ تے پاکستان نیوی تے پاکستان کوسٹ گارڈز کوں زبردست خراجِ تحسین پیش کیتے۔ اپݨے بیان اچ وفاقی وزیر داخلہ مشترکہ آپریشن اچ حصہ گھنݨ آلی پوری ٹیم دی اعلیٰ پیشہ ورانہ مہارت دی تعریف کریندے آکھیے جو ݙوہیں اداریں وقتی جوائنٹ آپریشن دے ذریعے باری مقدار اچ ممنوعہ چیزاں دی سمگلنگ دا منصوبہ ناکام بݨائے۔ انہاں آکھیا جو سمگلنگ مکاوݨ کیتے سکیورٹی اداریں وچال مؤثر رابطہ کاری تے سانجھے تعاون پاروں اے کارروائی نتیجہ خیز ثابت تھئی۔ محسن نقوی آکھیا جو سمگلنگ ملکی معیشت کیتے زہرِ قاتل اے جیندے منڈھوں خاتمے سانڳے سارے متعلقہ ادارے پوری طرح متحرک ہن۔ انہاں واضح کیتا جو سمگلنگ اچ ملوث مافیا دے خلاف ریاست دی زیرو ٹالرنس پالیسی تے بلاامتیاز تے سختی نال عملدرآمد جاری رکھیا ویسے۔
