نیویارک۔23 ستمبر (اے پی پی) نائب وزیراعظم و وزیر خارجہ محمد اسحاق ڈار تے آسٹریا دی وزیر برائے یورپی و بین الاقوامی امور بیٹے میئنل ریزینگر پاکستان تے آسٹریا دے سانجھے تعلقات دی مثبت سمت تے اطمینان دا اظہار کریندے تجارت، سرمایہ کاری، اقتصادی تعلقات، تعلیم تے عوامی رابطیں سودھے مختلف شعبیں اچ تعاون کوں مزید تکڑا بݨاوݨ دے عزم دا اعادہ کیتے۔ دفتر خارجہ توں جاری بیان موجب …
نائب وزیراعظم و وزیر خارجہ اسحاق ڈار دی آسٹریا دی وزیر برائے یورپی و بین الاقوامی امور نال ملاقات
نیویارک۔23 ستمبر (اے پی پی) نائب وزیراعظم و وزیر خارجہ محمد اسحاق ڈار تے آسٹریا دی وزیر برائے یورپی و بین الاقوامی امور بیٹے میئنل ریزینگر پاکستان تے آسٹریا دے سانجھے تعلقات دی مثبت سمت تے اطمینان دا اظہار کریندے تجارت، سرمایہ کاری، اقتصادی تعلقات، تعلیم تے عوامی رابطیں سودھے مختلف شعبیں اچ تعاون کوں مزید تکڑا بݨاوݨ دے عزم دا اعادہ کیتے۔ دفتر خارجہ توں جاری بیان موجب نائب وزیراعظم و وزیر خارجہ محمد اسحاق ڈار دی نیویارک اچ اقوام متحدہ دی جنرل اسمبلی دے 81ویں اجلاس دے موقع تے آسٹریا دی وزیر یورپی و بین الاقوامی امور بیٹے میئنل ریزینگر نال ملاقات تھئی۔ انہاں علاقائی تے بین الاقوامی صورتحال، بشمول مشرقِ وسطیٰ دی صورتحال تے وی ڳالھ کیتی۔ نائب وزیراعظم و وزیر خارجہ اقوام متحدہ دے چارٹر تے بین الاقوامی قانون دے اصولاں موجب مذاکرات، سفارت کاری تے جھیڑیں دے پرامن حل دی اہمیت تے زور ݙتا۔ آسٹریا دی وزیر خارجہ علاقائی امن و استحکام دے ودھارے اچ پاکستان دے تعمیری کردار دی تعریف کیتی تے علاقائی تے عالمی چیلنجز نال نبڑݨ کیتے مسلسل سفارتی رابطیں دی اہمیت تے زور ݙتا۔ نائب وزیراعظم و وزیر خارجہ سارے فریقاں دی طرفوں اسلام آباد مفاہمتی یادداشت تے مکمل عملدرآمد دی اہمیت تے زور ݙتا۔ ݙوہیں رہنماواں سانجھے دلچسپی دے امور تے نیڑے رابطہ برقرار رکھݨ تے اتفاق کیتا۔
