اسلام آباد ۔ 27 جنوری (اے پی پی) وزیراعلیٰ پنجاب عثمان بزدار آکھیے جو پنجاب حکومت صوبہ دے ہر ضلع اچ شیلٹر ہومز(پناہ گاہیں)بنڑاونڑ دی منصوبہ بندی کریندی پی ہے جیندا مقصد مزدور اتے بے گھر لوکیں کوں رہائش تے کھاونڑ پیونڑ اتے صحت دیاں سہولتاں فراہم کرنڑ ہے۔اتوار کوں اتھاں جاری پریس ریلیز مطابق پاکستان بیت مال دے منیجنگ ڈائریکٹر عون عباس بپی نال گالھ بات کریندے ہوئیں وزیراعلیٰ آکھیا جو پناہ گاہین بنڑاونڑ سانگے مناسب جئیں دی نشاندہی کیتی ویندی پی ہے ۔پاکستان تحریک انصاف دی موجودہ حکومت معاشرے دے پسے ہوئے طبقے دی فلاح تے بہبود چاہندی ہے اتے گھٹ آمدن آلے لوکیں دے معیار زندگی کوں چنگا بنڑاونڑ سانگے کوششاں کرنڑ حکومت دی ترجیحات اچ شامل ہے ۔وزیراعلیٰ معاشرے دے نادار طبقات کو ں خدمات فراہم کرنڑ تے پاکستان بیت المال دیاں کوششاں دی تعریف کیتی۔پاکستان بیت المال غریب اتے نادار لوکیں کوں مفت علاج دیاںسہولتاں ڈیندا پئے۔عون عباس بپی وزیراعلیٰ کوں ڈسایا جو ا وہ عام بندے دی زندگی اچ مثبت تبدیلیاں گھن آونڑ سانگے سخت محنت کریندے پن۔
