عالمی برادری جنوبی ایشادے خطے کوں اسلحے دی دوڑ آلے پاسے دھکا نہ ڈیوے,پاکستان اپنڑاں دفاع کرنڑ چنگی طرح جانڑدے اتے پوری دنیا 27فروری دے واقعہ دی گواہ وی ہے، پاکستان دی سفارتی کوششاں بھارت کوں عالمی سطح تے کلھا کر ڈتے ، مقبوضہ کشمیر اچ 66ڈینھاں توں جاری کرفیو دی وجہ نال کشمیریاں دی زندگی اجیرن(اوکھی) بنڑ گی ہے، مسئلہ کشمیر کوں سارے عالمی فورمز تے اجاگر کریندے راہسوں، کرتار پور راہداری دا افتتاح اپنڑے مقررہ ٹائم تے تھیسی ترجمان دفتر خارجہ ڈاکٹر محمد فیصل دی ہفتہ وار بریفنگ

اسلام آباد ۔ 10 اکتوبر (اے پی پی) پاکستان زور ڈتے جو عالمی برادری جنوبی ایشادے خطے کوں اسلحے دی دوڑ آلے پاسے دھکا نہ ڈیوے,پاکستان اپنڑاں دفاع کرنڑ چنگی طرح جانڑدے اتے پوری دنیا 27فروری دے واقعہ دی گواہ وی ہے، پاکستان دی سفارتی کوششاں بھارت کوں عالمی سطح تے کلھا کر ڈتے ، مقبوضہ کشمیر اچ 66ڈینھاں توں جاری کرفیو دی وجہ نال کشمیریاں دی زندگی اجیرن(اوکھی) بنڑ گی ہے، مسئلہ کشمیر کوں سارے عالمی فورمز تے اجاگر کریندے راہسوں، کرتار پور راہداری دا افتتاح اپنڑے مقررہ ٹائم تے تھیسی۔ ترجمان دفتر خارجہ ڈاکٹر محمد فیصل خمیس کوں ہفتہ وار بریفنگ اچ بھارت ولوں اسلحے دی بے تحاشا خریداری اتے ذخیرہ کرنڑ توں متعلق ہک سوال دا جواب ڈیندے ہوئیں عالمی برادری کوں خبردار کیتا جوا وہ جنوبی ایشیادے خطے کوں اسلحے دی دوڑآلے پاسے دھکا نہ ڈیونڑ ۔ رافیئل یابئے جیٹ جہازاں دامعاملہ ہوئے، پاکستان اپنڑاں دفاع کرنڑ چنگی طرح جانڑدے اتے پوری دنیا 27فروری دے واقعہ دی گواہ ہے۔ ترجمان آکھیا جو پاکستان اسلحے دی کہیں دوڑ اچ شامل کائناں تھیسی۔پاکستان دی موجودہ حکومت انسانی ترقی،صحت اتے تعلیم تے توجہ ڈیندی پی ہے۔ انہاں آکھیا جوپاکستان دی سفارتی کوششاں دی وجہ نال بھارت عالمی سطح تے کلھا تھی گئے۔انہاں آکھیا جو مقبوضہ کشمیر اچ 66ڈینھاں توں جاری کرفیو دی وجہ نال کشمیریاں دی زندگی اجیرن(اوکھی) تھی گی ہے، مسئلہ کشمیر کوں سارے عالمی فورمز تے اجاگر کریندے راہسوں۔انہاں آکھیا جو ترائے امریکی صدارتی امیدوار اں وی مقبوضہ کشمیر اچ انسانی حقوق دی سنگین خلاف ورزیاں تے آواز بلند کیتی ہے۔انہاں آکھیا جو کرتار پور راہداری دا افتتاح اپنڑے مقررہ ٹائم تے تھیسی۔ کرتار پور راہداری دی افتتاحی تقریب اچ شرکت سانگے بھارت دے سابق وزیر اعظم منموہن سنگھ کوں دعوت ڈتی گی ہے۔ ترجمان آکھیا جواسلام آباد اچ سارک سربراہ اجلاس کراونڑ سانگے تریخ فائنل کرنڑسانگے کم تھیندا پئے۔ انہاں ڈسایا جو وزیر اعظم عمران ممکنہ طورتے سعودی عرب اتے ایران دا دورہ کریسن۔ شام دی صورتحال توں متعلق ترجمان آکھیا جو پاکستان خطے اچ ترکی دے جائز سیکورٹی خدشات کوں تسلیم کریندے اتے سارے سٹیک ہولڈرزتے زورڈیندے جو شام دے مسئلے دا سیاسی حل کڈھیا ونجے ۔