وزیر اعظم عمران خان دی اگوانڑی اچ پورا ملک کرونا دا ڈٹ تے مقابلہ کریندا پئے،پورا جگ پاکستان دی کامیاب حکمت عملی دامعترف اے،عوام عید تے وی ایس او پیز تے عمل کرن،وفاقی وزیر اطلاعات و نشریات سینیٹر شبلی فرازدی ثانیہ ایدروس اتے ڈاکٹر فیصل سلطان نال پریس کانفرنس

اسلام آباد ۔ 26 جولائی (اے پی پی) وفاقی وزیر اطلاعات و نشریات سینیٹر شبلی فرازآکھیے جو وزیر اعظم عمران خان دی قیادت اچ نیشنل کمانڈ اینڈ آپریشن سنٹر (این سی او سی)دی مدد نال وفاقی صوبائی حکومتاں، پاک فوج نال رل تے کووڈ۔19 دا ڈٹ تے مقابلہ کیتے،اج پورا جگ کرونا دے خلاف پاکستان دی کامیاب حکمت عملی دا معترف اے،وزیراعظم عمران خان دی قیادت اچ اقدامات سانگے پاکستان اچ کورونا وا ئرس دا زور نہ صرف گھٹیے بھل یومیہ اموات اتے مثبت کیسز وی گھٹین۔ انہاں لوکاں توں اپیل کیتی جو او وڈی عید تے وی کرونا کوں کھنڈنڑ توں روکنڑاتے بچنڑ کیتے ایس او پیز اتے گائیڈ لائنز تے مکمل عمل کرن۔اے گالھ انہاں اسلام آباد اچ ثانیہ ایدروس اتے ڈاکٹر فیصل سلطان نال پریس کانفرنس اچ آکھی۔ انہاں آکھیا جو پاکستان دے 22 کروڑ عوام ڈاکٹراں، مسلح افواج، سکیورٹی اداریاں قیادت دے فیصلاں تے عمل کریندے ہوئے ثابت کیتے جو پاکستان او کلہی قوم اے جیڑھی کہیں وی آفت، وبا اتے چیلنج اچ ہک قوم بنڑ تے مقابلہ کریندی اے،قیادت دے پائیدار طویل مدتی فیصلے پاروں نہ صرف کرونا مکدا پئے بھل ایندے منفی اثرات توں کڈھنڑ کیتے غریب، پسماندہ ، پسے طبقات، رکشہ اتے ریڑی آلے، دیہاڑی دارمزدوراں کتیے ودھ اقدامات کیتے گین،اج جیونڑ، صحت اتے روزگار کٹھے تردے پین، معیشت وی راہ تے ٹر پئی اے،ایں کامیاب حکمت عملی تے تنقید کرنڑ آلیان اچ اتنی جرات کائنی جو او منن کہ ایں کامیاب پالیسی نال ہی ملک اچ کرونا تے قابو پاتا گئے،اج صحت دا نظام وی پہلے توں ودھ تکڑا اے،ایںس اری حکمت عملی اچ ڈاکٹراں ، پیرا میڈیکل ، معاون عملے ، وفاقی صوبائی حکومتاں، مسلح افواج اتے میڈیا کوں خراج تحسین پیش کریندے ہیں۔