پاکستان کورونا وائرس دے وبا دا ثابت قدمی اتے کامیابی نال مقابلہ کیتے، ملک اچ صحت دے اجوکے نظام کوں بہتر کرنڑ سانگے سارے اقدامات کریندے پئیوں،پاکستان دی سمارٹ لاک ڈاﺅن دی پالیسی دے چنگے نتیجے ملدے پئن،ایں پالیسی نال کورونا وائرس توں متاثرہ تھیونڑ آلے بندیاں دی تعداد نشابر گھٹ گئی اے، وفاقی وزیراقتصادی امورمخدوم خسروبختیار دا 4 ملکاں دے وزرائے خارجہ دی ویڈیو کانفرنس نال خطاب

اسلام آباد ۔ 28 جولائی (اے پی پی) وفاقی وزیراقتصادی امورمخدوم خسروبختیارآکھیا جو پاکستان کورونا وائرس دے وبا دا ثابت قدمی اتے کامیابی نال مقابلہ کیتے، ملک اچ صحت دے اجوکے نظام کوں بہتر کرنڑ سانگے سارے اقدامات کریندے پئیوں،پاکستان دی سمارٹ لاک ڈاﺅن دی پالیسی دے چنگے نتیجے ملدے پئن،ایں پالیسی نال کورونا وائرس توں متاثرہ تھیونڑ آلے بندیاں دی تعداد نشابر گھٹ گئی اے۔اے گالھیں انہاں کورونا وائرس دی وباءدے خلاف سانجھے اقدامات بارے چین ،افغانستان،پاکستان اتے نیپال دے وزرائے خارجہ دی ویڈیوکانفرنس اچ وزیرخارجہ شاہ محمودقریشی دی نمائندگی کریندیں ہوئیں آکھی۔مذاکرات دی میزبانی چین دے سٹیٹ قونصلر اتے وزیرخارجہ وانگ یی کیتی۔انہاں آکھیا جو پاکستان کووونا نال نبڑنڑ سانگے تعاون ودھاونڑ اتے وبا دے بعد معیشت دی بحالی سانگے سانجھ کرنڑ آلے ملکاں نال تعاون سانگے تیار اے۔ مخدوم خسروبختیارآکھیا جو پاکستان کورونا وائرس دے وبا دا ثابت قدمی اتے کامیابی نال مقابلہ کیتے، ملک اچ صحت دے اجوکے نظام کوں بہتر کرنڑ سانگے سارے اقدامات کریندے پئیوں،پاکستان دی سمارٹ لاک ڈاﺅن دی پالیسی دے چنگے نتیجے ملدے پئن،ایں پالیسی نال کورونا وائرس توں متاثرہ تھیونڑ آلے بندیاں دی تعداد نشابر گھٹ گئی اے۔انہاں ایں موقع تے مقبوضہ کشمیر دے فوجی معاصرے دے خاتمہ،صحت دے بین الاقوامی ماہرین کوں مقبوضہ کشمیر تئیں رسائی ڈیونڑ اتے کشمیریاں کوں فوری طور تے طبی سہولتاں ڈیونڑ دا مطالبہ کیتا۔