پاکستان، خطے اتے عالمی امن و استحکام کیتے کردارادا کریندا راہسی،جنوبی ایشیا اچ مسلہ کشمیر دے حل، افغانستان اچ امن دے بغیر غربت مکاونڑ، دیرپا معاشی ترقی دے اہداف ممکن نئیں تھی سگدے،وزیر خارجہ مخدوم شاہ محمود قریشی دا ایشیاءاچ روابط، اعتماد سازی اقدامات سانگے وزراءکانفرنس نال خطاب

اسلام آباد ۔ 24 ستمبر (اے پی پی) وزیر خارجہ مخدوم شاہ محمود قریشی آکھیے جو پاکستان، خطے اتے عالمی امن و استحکام کیتے کردارادا کریندا راہسی،جنوبی ایشیا اچ مسلہ کشمیر دے حل، افغانستان اچ امن دے بغیر غربت مکاونڑ، دیرپا معاشی ترقی دے اہداف ممکن نئیں تھی سگدے۔اے گالھ وزیر خارجہ مخدوم شاہ محمود قریشی ایشیاءاتے علاقائی خطے اچ روابط، اعتماد سازی اقدامات سانگے وزراءکانفرنس نال خطاب اچ آکھی۔انہاں آکھیا جو عالمی وبا پاروں جگ کوں اقتصادی، معاشرتی اتے صحت عامہ سودھے بئے چیلنجاں نال نبڑن کیتے اعلیٰ سطح کثیر الجہتی تعاون دی لوڑھ اے،افغانستان دا مسلہ صرف مذاکرات نال ہی ممکن اے،خوشی اے جو ایندے تے جگ ساڈا موقف منیندا پئے،بین الافغان مذاکرات چنگی پیش رفت اے،پاکستان خطے اچ امن سانگے اپنڑا کردار جاری رکھسی۔انہاں آکھیا جو جنوبی ایشیا دا امن مسئلہ کشمیردے کشمیریاں دی خواہش اتے اقوام متحدہ دیاں قرارداداں دے مطابق حل تئیں ممکن نئیں تھی سگدا،کشمیریاں کوں انہاں دے جائز حقوق نہ ملنر عالمی انسانی قوانی و حقوق دے منافی ہین۔انہاںا ٓکھیے جو پاکستان کوں زینوفوبیا، اسلاموفوبیا اتے اقلیتاں دے خلاف نفرت آمیز رویے دے ودھدے رحجان تے چنتا اے،سی پیک پورے خطے کیتے اہم ثابت تھیسی،پاکستان،سارے ریاستاں نال برابری دی سطح تے ڈو طرفہ تعلقات کوں اگو ٹورنڑ کیتے کم کریندا رہسی۔