ساونڑ دیاں ہوائیں اتوار تے سنوار توں پاکستان دے اتلے علاقیں اچ داخل تھی ویسن ،محکمہ موسمیات

اسلام آباد ۔ 7 جولائی (اے پی پی) محکمہ موسمیات آندے ہفتے ملک دیاں بہوں ساریاںجہیں تے کھمنڑ دے مینھ تے کہیں کہیں جاہ تے ودھ سارا مینھ وسنڑ دی پیش گوئی جڈاں جو متعلقہ اداریں کوں ہائی الرٹ رہنڑ دی ہدایت کیتی ہے۔۔ ڈپٹی ڈائریکٹر محکمہ موسمیات، اسلام آباد محمد عرفان ورک دے مطابق ساونڑ دیاں ہوائیں اتوار تے سنوار توں پاکستان دے اتلے علاقیں اچ داخل تھی ویسن جیرھا جو اگلے ہفتے دے ادھ اچ ملک دے ودھ سارے علاقیں کوں اپنڑی وکیڑ اچ گھن گھنسن ۔مغربی ہوائیں دا سلسلہ اگلے ہفتے دے توں ملک دے اتلے علاقیں اچ اثر انداز تھیسی ۔سنوار توں خمیس دے دوران اسلام آباد، اتلے پنجاب (راولپنڈی، گوجرانوالہ، سرگودھا، فیصل آباد، لاہور ڈویژن) اتے کشمیراچ بہوں ساریاں جہیں تے کھمنڑ دے نال مینھ جڈاں جو کہیں کہیں جاہ تے ودھ سارا مینھ وسنڑ دا امکان ہے ۔منگل توں خمیس دے دورا ن جنوبی پنجاب (ملتان، بہاولپور، ڈی جی خان، ساہیوال ڈویژن) اچ کہیں کہیںجاہ تے کھمنڑ دے نال مینھ جڈاں جو کجھ جہیں تے ودھ سارا مینھ وسنڑ دا امکان ہے ۔منگل کوں خمیس دے دوران خیبر پختونخوا ،فاٹا تے گلگت اچ کہیں کہیں جاہ تے کھمنڑ دے نال مینھ جڈاں جو کجھ جہیں تے ودھ سارے مینھ دا امکان ہے ۔ جمعے توں اتوار دے دوران سندھ اتے مشرقی بلوچستان (ژوب، سبی، نصیر آباد، قلات ڈویژن) اچ کہیں کہیںجاہ تے کھمنڑ دے نال مینھ وسنڑ دا امکان ہے۔ انہاں ڈسایا جو ودھ سارے مینھ پاروں راولپنڈی،گوجرانوالہ، ڈی جی خان ڈویژن، اسلام آباد، خیبرپختونخواتے کشمیر دے برساتی نالیں اچ طغیانی جڈاں جو نشیبی علاقیں اچ پانڑیں دا خطر ہ ہے ۔مینھ پاروں کشمیر، گلگت بلتستان اتے اتلے خیبر پختونخوا (مالاکنڈ، ہزارہ ڈویژن) دے پہاڑی علاقیں اچ لینڈ سلائنڈ نگ دا ڈر ہے۔ سارے متعلقہ اداریں کوں اگلے ہفتے دے دوران الرٹ رہنڑ دی ہدایت کیتی گی ہے ۔