عالمی تجارتی تنظیم دا پاکستان دے حق اچ فیصلہ ، یورپی کمیشن دی برآمدی کیمیکل تے تلافی ڈیوٹی قواعد و ضوابط دے خلاف قرار ڈے ڈتی اسلام آباد ۔ 07جولائی (اے پی پی) ورلڈ ٹریڈ آرگنائزیشن (ڈبلیو ٹی او) پاکستان دے حق اچ فیصلہ ڈیندے ہوئیں منرل پانڑیں دیاں بولتاں بنڑاونڑ اچ استعمال تھیونڑ آلے کیمیکل پولی ایتھائیلین ٹیری فلیٹ دی برآمد بارے یورپی کمیشن دے اقدام کوں روک ڈتا …
وزیر تجارت انجینئر خرم دستگیر خان دی عالمی تجارتی تنظیم اچ کیس لڑن آلے وزارت تجارت دے حکام دیاں کاوشاں دی تعریف
مزید خبراں
عالمی تجارتی تنظیم دا پاکستان دے حق اچ فیصلہ ، یورپی کمیشن دی برآمدی کیمیکل تے تلافی ڈیوٹی قواعد و ضوابط دے خلاف قرار ڈے ڈتی
اسلام آباد ۔ 07جولائی (اے پی پی) ورلڈ ٹریڈ آرگنائزیشن (ڈبلیو ٹی او) پاکستان دے حق اچ فیصلہ ڈیندے ہوئیں منرل پانڑیں دیاں بولتاں بنڑاونڑ اچ استعمال تھیونڑ آلے کیمیکل پولی ایتھائیلین ٹیری فلیٹ دی برآمد بارے یورپی کمیشن دے اقدام کوں روک ڈتا اتے یورپی کمیشن دے تلافی ڈیوٹی عائد کرنڑ دے اقدام کوں عالمی تجارتی تنظیم (ڈبلیو ٹی او) دے قواعد و ضوابط دی خلاف ورزی قرارڈے ڈتا ۔ عالمی تجارتی تنظیم واشگاف طور تے قرار ڈتا جو پاکستان اچ پی ای ٹی دے لاگو کردہ یورپی کمیشن دے اقدامات عالمی تجارت تنظیم دے زر اعانت اتے تلافی کرنڑ دے ضوابط دے مطابق کائنی ۔ جنیوا اچ موجود تجارتی ماہرین جنیوا اچ کئی جہتی فورم اچ اینکوں پاکستان دی وڈی سفارتی کامیابی قرار ڈتا ہے ۔وزیر تجارت انجینئر خرم دستگیر خان وزارت تجارت دے انہاںحکام دیاںکاوشاں کوں سراہیا ہے جنہاں گزریل ڈو سالاں توں جیڑھے نمٹاونڑ سانگے بین الاقوامی فورم تے پاکستان دا کیس لڑیا
