پاکستان اتے سعودی عرب وچال مختلف شعبیاں اچ ساڄھے داری ودھاوݨ کیتے معاہدے

ڄدہ۔8 مئی(اے پی پی)وزیراعظم عمران خان دے دورہ سعودی عرب اچ پاکستان اتے سعودی عرب وچال تجارت و سرمایہ کاری سودھا مختلف شعبیاں اچ معاہدے اتے ایم او یو تے دستخط کیتن۔ݙوطرفہ 5 معاہدیاں اتے 3 مفاہمتی یادداشتاں اچ سزا یافتہ مجرماں دا تبادلہ، جرائم دے خلاف مشترکہ تعاون، میݙیا، ماحولیات و توانائی دے معاہدے شامل ہین۔ وفود دی سطح تے ڳالھ مہاڑ اچ توانائی منصوبیاں کیتے فریم ورک اتے انسداد منشیات و سمگلنگ دی مفاہمتی یادداشت تے وی دستخط کیتے ڳین۔ ݙوہیں ملکاں سعودی عرب اتے پاکستان سپریم کوآرڈی نیشن کونسل بݨاوݨ دا معاہدہ وی کیتے۔