اسلام آباد۔17مئی (اے پی پی):وفاقی وزیر انفارمیشن ٹیکنالوجی و ٹیلی کمیونیکیشن سید امین الحق آکھیے جو ڈیجیٹل کمیونیکشن اتے انفارمیشن ٹیکنالوجی امید اتے ترقی دی اوکرن اے،جیڑھی دنیا دے ارباں لوکاں کوں سماجی و اقتصادی رابطے تے آپت اچ ڳالھ مہاڑ دا اہل بݨیندے ہوئیں معاشی ترقی دی رستے کوں روشن کریندی اے ۔عالمی ٹیلی مواصلات اتے انفارمیشن سوسائٹی ڈے دا بنیادی مقصد انٹرنیٹ اتے نویں ٹیکنالوجیز دے ذریعہ پیش آوݨ آلی معاشرتی تبدیلیاں بارے عالمی سطح تے شعور اجاگر کرݨ تے ڈیجیٹل تقسیم کوں گھٹ کرݨ اچ مدد کرݨا اے ۔ٹیلی مواصلات و انفارمیشن سوسائٹی دے عالمی ݙینھ دے موقع تے آپݨے ھک اہم بیان اچ وفاقی وزیر سید امین الحق آکھیے جو ویلھا بدل ڳئے اساں ھک ایجھی دنیا اچ ہوں جتھاں انفارمیشن دا تبادلہ اتے رسائی معاشرے دا ساریں توں نمایاں پہلو ہے۔
