اسلام آباد۔25مئی (اے پی پی) وفاقی وزیر برائے منصوبہ بندی تے ترقی اسد عمر آکھیا جو جولائی توں اپریل گردشی خسارہ گزریل مالی سال دی ایں مدت دے 449 ارب روپے توں ڳھٹ کراہیں 260 ارب رہ ڳئے۔ گردشی خسارے اچ 189 ارب دی ڳھٹکی تھئی اے۔ منگل کوں ہک ٹویٹ اچ اسد عمر ݙسیا جو ایں سال پورے سال دا گردشی خسارہ پاکستان مسلم لیگ ن دی حکومت دے چھیکڑی سال دے گردشی قرضے دی نسبت سو ارب توں ودھ ڳھٹ رہوݨ دی توقع اے۔ توانائی دے شعبے دی کارکردگی اچ اے بہتری اتے گردشی قرضے ودھݨ اچ سست روی ، مستقل سخت محنت ، تجزیاتی اعداد و شمار تے فیصلہ سازی اتے فیصلہ سازاں اتے طاقتور اشرافیہ وچال ڳٹھ جوڑ تروڑݨ دا نتیجہ اے۔
