اسلام آباد۔1جولائی (اے پی پی):وفاقی وزیر توانائی حماد اظہر آکھیے جو حکومت دے موثر اقدامات پاروں گردشی قرضے گھٹ تھئن ،حکومت گردشی قرضے دے مسئلے تے کامیابی نال قابو پاتے ۔ خمیس کوں آپݨے ٹویٹ اچ انہاں آکھیے جو حکومتی موثر اقدامات پاروں گزریل مالی سال دے مقابلے اچ گردشی قرضے ٻہوں گھٹ تھئن ، انہاں آکھیے جو مالی سال 21-2020 اچ گردشی قرضے اچ پچھلے مالی سال دے مقابلے اچ 360ارب روپے کمی تھئی اے ۔ وزیر توانائی حماد اظہر آکھیے حکومت ایں بحران تے کامیابی نال قابو پاتے، ایں سال گردشی قرضے اچ صرف 177 ارب روپے ودھارا تھئے ۔ گزریل سال اے ودھارا 538 ارب روپے ہئی ۔
