اسلام آباد۔26اکتوبر (اے پی پی):صدر مملکت ڈاکٹر عارف علوی معاشرے اچ مثبت سوچ اتے طرزِ عمل کوں ودھارا ݙیوݨ کیتے ذمہ دارانہ انداز اپناوݨ تے زور ݙیندے ہوئیں آکھیے جو او مکمل ہم آہنگی اتے قوم دے ثقافتی تنوع کوں اتحاد اچ بدلݨ کیتے امن و رواداری دی اقدار تے مبنی پاکستان دا ثقافتی بیانیہ ویلھے دی اہم لوڑھ اے ۔منگل کوں اتھاں پاکستان نیشنل کونسل آف آرٹس اچ ’قومی یکجہتی اتے ثقافتی ہم آہنگی‘ دے موضوع تے منعقدہ کانفرنس توں خطاب کریندے ہوئیں صدر آکھیے جو پاکستان دی ثقافت سارے صوبیں تے قومیتاں دے رسم و رواج دا حسین امتزاج اے۔ وزارت تعلیم اتے پیشہ ورانہ تربیت دے تحت قومی ورثہ اتے ثقافت ڈویژن دے زیر اہتمام ݙو ݙینھ وار کانفرنس اچ پورے ملک توں سکالرز شرکت کیتی تاں جو قومی ثقافتی انضمام دے موضوع تے غور کیتا ونڄ سڳے ۔ صدر مملکت آکھیے جو پاکستان دی ثقافت بقائے باہمی اتے ہم آہنگی دے تصور نال جڑی ہوئی اے، قوم کوں سماجی قبولیت دا مظاہرہ کرݨ کیتے رہنما اصول فراہم کرݨ دی لوڑھ اے ۔
