اسلام آباد۔26اکتوبر(اے پی پی)وزیراعظم عمران خان نال چیف آف آرمی سٹاف جنرل قمر جاوید باجوہ ملین اتے صلاح مشورے توں بعد نویں ڈی جی آئی ایس آئی کیتے لیفٹیننٹ جنرل ندیم انجم دی منظوری ݙتی ڳئی اے ڄیڑھے 20 نومبر 2021ء کوں اپݨے عہدے دا چارج سنٻھلیسن۔ اے ملاقات آئی ایس آئی اچ کمان دے وٹاندرے دے ویلھے اتے نویں ڈائریکٹر جنرل آئی ایس آئی دی تعیناتی سانڳے وزیراعظم تے چیف آف آرمی سٹاف دے مشاورتی عمل دا حصہ ہئی جیندے کیتے وزارت دفاع مجوزہ افسران دی فہرست ٻھیڄی ہئی ایں سانڳے وزیراعظم سارے نامزد افسران دا انٹرویو وی کیتے۔ وزیراعظم اتے چیف آف آرمی سٹاف کٹھی صلاح نال نویں ڈی جی آئی ایس آئی کیتے لیفٹیننٹ جنرل ندیم انجم دے ناں دی منظوری ݙتی اے۔ 20 نومبر تئیں لیفٹیننٹ جنرل فیض حمید ڈی جی آئی ایس آئی دے عہدے تے برقرار راہسن۔
