اسلام آباد۔26اکتوبر(اے پی پی)صدر مملکت ڈاکٹر عارف علوی لیڈی ہیلتھ ورکرز دی رسائی ودھاوݨ تے زور ݙتے تاں جو پورے ملک اتے بالخصوص پسماندہ تے دور دراز علاقیاں وچ احتیاط تے علاج معالجے دیاں خدمات دی فراہمی یقینی ٻݨائی ونڄے۔ انھاں آکھے جو ملک دے صحت دے شعبے کوں طبی پیشہ ور بندیاں اتے پیرا میڈیکل اسٹاف دی گھٹکی پاروں مختلف چیلنجز دا سامݨا اے، امید اے جو صحت مند نینگر پروگرام کمیونٹی دی سطح تے خاص طور تے تریمتیں تے بالاں کوں صحت دیاں خدمات ݙیوݨ اچ ہتھ ونݙیسی۔ اے ڳالھ انھاں ایوان صدر اچ وزیراعظم دے کامیاب جوان پروگرام دے تحت صحت مند جوان پروجیکٹ تے بریفنگ اجلاس اچ آکھی۔ اجلاس اچ وزیراعظم دے معاون خصوصی برائے امور نوجوانان محمد عثمان ڈار، اقوام متحدہ دے پاپولیشن فنڈ (UNFPA) دے نمائندے ڈاکٹر بختیار قادروف، UNFPA دے نمائندیاں اتے حکومت دے اعلیٰ حکام شرکت کیتی۔
