مریم نواز دا میڈیا اشتہارات بند کرݨ منݨ وی کرپشن اے، امید اے او اپݨی اتے ٹٻر دی بیرون ملک جائیداداں وی من ڳھنسن، وفاقی وزیر اطلاعات

اسلام آباد۔24نومبر(اے پی پی)وفاقی وزیر اطلاعات و نشریات چوہدری فواد حسین آکھیے جو مریم نواز وݙے چینلز دے اشتہارات کنٹرول کرݨ دا اعتراف کیتے ڄیڑھی سنگین مالی بے ضابطگیاں دا ہک ٻیا اعتراف اے، امید اے مریم نواز اپݨی اتے ٹٻر دی بیرون ملک جائیداداں وی من ڳھنسن، قوم تانڳھی اے۔ ہک ٹویٹ اچ انہاں آکھیے جو مریم نواز آہدن جو میں پارٹی دا میڈیا سیل چلیندی پئی ہئی، امید اے ایں اعترافی بیان دے بعد او اپݨی اتے ٹٻر دی بیرون ملک جائیداداں وی من ڳھنسن، قوم او ݙینھ ݙیکھݨ چاہندی اے۔