اسلام آباد۔9مارچ(اے پی پی)صدر مملکت ڈاکٹر عارف علوی آکھیے جو تریمتیں کوں مالی و ڈیجیٹل طور تے بااختیار ٻݨائے بغیر قومی ترقی ممکن نئیں، تریمتیں اتے چھوہریں اپݨیاں قائدانہ صلاحیتاں ݙکھیندے ہوئے اسلام اتے آئین دے ذریعے اپݨے حقوق سانڳے فعال شرکت اتے جدوجہد کرن۔ تریمتیں دے عالمی ݙینھ سانڳے کامیاب جوان پروگرام ولوں کامیاب خاتون دی تقریب نال خطاب اچ آکھی۔ انہاں آکھیا جو اسلام 1400 سال پہلے تریمتین دے وراثتی حقوق دی ضمانت ݙتی ہئی، تریمتیں ہݨ محتسب دفتر یا عدالت ونڄ سڳدن جو حکومت انہاں دے وراثتی حقوق سانڳے ضروری قانون سازی کیتی اے، فعال شرکت نال تریمتیں کوں اپݨے حقوق دی جدوجہد کرݨی ہوسی، تعلیم یافتہ تریمتیں ناخواندہ تریمتیں دے حقوق کیتے مواقع اتے علاج دی رہنمائی کرن۔ صدر مملکت ڈاکٹر عارف علوی تریمتیں دے عالمی ݙینھ سانڳے کیک کٹیے اتے کامیاب جوان پروگرام، احساس پروگرام اتے نیا پاکستان ہائوسنگ پروگرام دے چیک، سرٹیفکیٹ اتے گھراں دی چاٻیاں ونڈین۔
