اسلام آباد۔10جون (اے پی پی):وفاقی حکومت تکنیکی ترقی دے چیلنجاں توں نبڑن کیتے ملک اچ مصنوعی ذہانت دے فروغ کیتے 723 ملین روپے مختص کرنڑ دی تجویز ڈتی اے ۔ ڈیفنس ڈویژن انفارمیشن اینڈ کمیونیکیشن ٹیکنالوجی (آئی سی ٹی) اتے مصنوعی ذہانت تے مبنی درست زراعت دے نظام دی ترقی تے 300 ملین روپے خرچ کریسی ۔ گرین مصنوعی ذہانت دے ناں توں جڑا اے نظام ڈوڑے استعمال دی ایرو اسپیس ٹیکنالوجیز دا استعمال کریسی ۔ انفارمیشن ٹیکنالوجی اینڈ ٹیلی کام ڈویژن دے تحت چین پاک سینٹر فار آرٹیفیشل انٹیلی جنس دے قیام کیتے 243 ملین روپے مختص کیے گئین ۔ نیشنل سینٹر آف آرٹیفیشل انٹیلی جنس، اسلام آباد ہائر ایجوکیشن کمیشن دے تحت کام کریسی جیندے کیتے 170 ملین روپے مختص کیے گئین ۔ سینٹر فار آرٹیفیشل انٹیلی جنس ان ہیلتھ سائنسز دے قیام کیتے گھٹ ودھ 10 ملین روپے رکھے گئین ۔ نالج اکانومی انیشی ایٹو دے تحت پراجیکٹ کوں سائنس اینڈ ٹیکنالوجی ریسرچ ڈویژن دے ذریعے عمل اچ گھن آیا ویسی ۔
