اہم تعیناتی بارے غیر ضروری سیاست کیتی ویندی پئی اے، وزیر خارجہ بلاول بھٹو

لاہور۔15نومبر(اے پی پی)پاکستان پیپلز پارٹی دے چیئرمین اتے وفاقی وزیر خارجہ بلاول بھٹو زرداری آکھیے جو بدقسمتی نال سڑکاں تے سیاسی تماشے چلدے پن، ایں ویلھے سافا نظام نئیں چلدا پیا، اہم تعیناتی بارے غیر ضروری سیاست کیتی ویندی پئی اے، اتحادیاں اتے اپوزیشن کوں ایں معاملے کون متنازعہ نئیں ٻݨاوݨا چاہیدا۔ ڈاؤ ہسپتال کراچی اچ جگر دی 75 کامیاب پیوندکاریاں سانڳے کینسر سینٹر اتے او پی ڈی دے 4 نویں بلاکس دا منݙھ ٻدھݨ ویلھے انہاں آکھیا جو جگر دا علاج مہانگا اے، ہݨ اے علاج مقامی سطح تے ملسی۔ انہاں آکھیا جو روس، یوکرین جنگ دے معاشی اثرات اساں ٻھڳیندے پئے ہیں، اڄ وی سیلاب متاثرین سافے تانڳھی ہین، سیلاب متاثرین دا ہتھ ونݙاوݨ تے توجہ اے، ساݙی ترجیح عوام دی خدمت ہووݨی چاہیدی اے، ہک ٻئے تے گولی چلاوݨ، ٻھڑݨ دی بجائے الیکشن دا سوچݨا چاہیدے۔ انہاں آکھیا جو قومی ادارے اچ اہم تعیناتی تے سیاست کرݨ دی بجائے میرٹ تے آئین و قانون دے مطابق عمل کرݨا چاہیدے۔