اسلام آباد۔17نومبر (اے پی پی) وفاقی وزیر منصوبہ بندی، ترقی ، اصلاحات تے خصوصی اقدامات احسن اقبال آکھیا جو عمران خان دی حکومت معیشت دا بیڑہ غرق غرق کیتے، اڄوکی حکومت دی پہلی ترجیح معاشی استحکام اتے قومی ترقی دے پندھ کوں ولا شروع کرݨ اے۔ انہاں آکھیا جو 2017-18 اچ ملک دی 2025 تئیں دنیا دی 25 وݙی معیشتاں اچ رلݨ دے ہدف کوں حاصل کرݨ دے نیڑے ہئی، 2018 اچ عمران حکومت ملک دی معیشت دا ٻیڑہ غرق کیتے۔ اے ڳالھیں انہاں آپݨی صدارت اچ مستقبل دے سماجی اقتصادی روڈ میپ پاکستان آئوٹ لک 2035 شروع کرݨ بارے اعلیٰ سطحی اجلاس اچ آکھی۔ انہاں آکھیا جو وزارت پاکستان دے مستقبل دے ترقیاتی منظر نامے دی تعمیر بارے جلدی ہک جامع سٹڈی پاکستان آؤٹ لک 2035 تے کم شروع کریسی۔ وفاقی وزیر آکھیاجو پاکستان دی معیشت کوں بنیادی ڈھانچہ جاتی تبدیلیاں اتے نویں برآمدات دی ترقی دے ودھارے دی لوڑھ اے۔
