اسلام آباد۔18نومبر (اے پی پی) وزیر مملکت برائے خزانہ ڈاکٹر عائشہ غوث پاشا قومی اسمبلی کوں ݙسیا جو معیشت دی دیوالیہ تھیوݨ دا کوڑی ݙر نی، ملک دی تقریباً ادھی معیشت غیر دستاویزی اے، معیشت کوں دستاویزی ٻݨاوݨ کیتے حکومت اصلاحات دے پروگرام تے عمل کریندی پی اے۔ جمعے کوں قومی اسمبلی اچ مسرت رفیق مہیسر اتے ٻے ارکان دے سوال تے وزیرمملکت خزانہ ݙسیا جو غیررسمی معیشت ہک وݙا مسئلہ اے، ایں معیشت نال جڑے لوک ٹیکس نی ݙیندے پے، کاروبار ٹیکس دے بغیر تھیندا پئے۔ عالمی بنک اتے ایف بی آر دے اندازیاں اتے سٹڈی دے مطابق اساݙی ادھی معیشت غیر دستاویزی اے۔ حکومت معیشت کوں دستاویزی ٻݨاوݨ دی کوشش کریندی پی اے۔
