جنیوا کانفرنس پاکستان تے سیلاب متاثرین کیتے وݙی کامیابی اے،سیکرٹری جنرل اقوام متحدہ، عالمی برادری دا شکریہ ادا کریندن ، وفاقی وزیر اطلاعات مریم اورنگزیب

اسلام آباد۔10جنوری(اے پی پی) وفاقی وزیر اطلاعات و نشریات مریم اورنگزیب آکھیے جو جنیوا کانفرنس پاکستان اتے سیلاب متاثرین کیتے وݙی کامیابی اے،سیکرٹری جنرل اقوام متحدہ، عالمی برادری دا شکریہ ادا کریندن ، شفافیت نال فنڈز دی امانت عوام کوں پجیسوں ، انہاں دی زندگیاں اچ تبدیلی گھن آسوں ۔ منڳل کوں آپݨے ھک بیان اچ وفاقی وزیر اطلاعات مریم اورنگزیب آکھیے انسانیت اتے موسمیاتی تبدیلیاں دے کاز کوں موثر انداز اچ چاوݨ تے عالمی اتے ملکی ذرائع ابلاغ دا شکریہ ادا کریندوں ۔اے کانفرنس انسانیت دے اجتماعی احساس دی علامت بݨی اے ۔ انہاں آکھیے وسائل دی فراہمی توں سیلاب متاثرین دی نویں تے بہتر زندگی شروع کرݨ اچ مدد ملسی ۔کانفرنس موسمیاتی تبدیلیاں دے سنگین اثرات دا دنیا کوں احساس ݙیوایا ۔ انہاں آکھیے کانفرنس موسمیاتی تبدیلیاں دے اجتماعی چیلنج دا اجتماعی طور تے مقابلہ کرݨ دی سوچ کوں ایکشن اچ بدلیے ۔کانفرنس انسانیت اتے کرہ ارض دی ماحولیاتی بہتری اچ اہم عالمی فورم ثابت تھیسی ۔ انہاں آکھیے عالمی فورم تے پاکستان اتے سارے صوبیں دا کیس پیش کرݨ تے ایندی حمایت کرݨ آلے ملکی اتے غیرملکی شرکاء دا وی پرخلوص شکریہ ادا کریندوں ۔سیلاب آندے ہی وزیراعظم شہباز شریف سارے صوبیں تے اداریں کوں رلے گھن تے جیویں اجتماعی کوششاں کیتیاں ، اے ایندے ثمرات ہن ۔ اے اتحادی حکومت دی مشترکہ کوششاں دا عالمی سطح تے اعتراف اے۔