اڄوکے بدترین سیلاب دے بعد تعمیرنو و بحالی سانڳے پاکستان دا ہتھ ونݙاوݨ لو پرعزم ہیں، عالمی بینک

اسلام آباد۔10جنوری(اے پی پی)عالمی بینک اڄوکے بدترین سیلاب دے بعد تعمیرنو و بحالی سانڳے پاکستان دا پورا ہتھ ونݙاوݨ دا عزم کریندے آکھیے جو ایں وکھے ویلھے اچ عالمی بینک پاکستان نال وپرا تعاون کریسی۔ اے ڳالھ جنوبی ایشیا کیتے عالمی بینک دے نائب صدر مارٹن ریزر آکھی اے جو اڄوکے سیلاب توں بعد پاکستان اچ آوݨ آلے بحران اچ پاکستانی عوام دی مدد کیتے عالمی بینک اپݨا کردار ادا کریسی، تعمیرنو و بحالی کیتے عالمی بینک 2 ارب ڈالر ݙیندا پئے جیڑھا تعمیر نو اتے بحالی کیتے مجموعی ضروریات (16.2 ارب ڈالر) دا 12 فیصد ٻݨدے۔ انہاں اقوام متحدہ اتے پاکستان دی اڳواݨی اچ کانفرنس کوں فیدہ مند قرار ݙیندے آکھیے جو ایندے اچ ساڄھے داراں پاکستان دے انہاں لکھاں متاثرہ لوکاں دی امداد و بحالی دے طریقاں تے الائے جیڑھے بدترین سیلاب دے کئی مہینے بعد وی اوکھے ہین۔