وزیر خارجہ بلاول بھٹو زرداری نال امریکی سفیر ڈونلڈ بلوم دی ملاقات، جنیوا کانفرنس اچ ودھیکی 100 ملین ڈالر امداد دے اعلان دی تعریف

اسلام آباد۔12جنوری (اے پی پی) وزیر خارجہ بلاول بھٹو زرداری امریکا ولوں جنیوا کانفرنس اچ چھل متاثری دی بحالی اتے تعمیر نو کیتے ودھیکی 100 ملین ڈالر امداد دے اعلان دی تعریف کیتی۔ دفتر خارجہ موجب وزیرخارجہ اے ڳالھیں امریکی سفیر ڈونلڈ بلوم نال ڳالھ مہاڑ کیتی جنہاں خمیس کوں اتھاں وزارت خارجہ اچ انہاں نال ملاقات کیتی۔ ملاقات اچ پاکستانیاں کیتے ویزہ انٹرویو بارے سہولتاں تے وی ڳالھ کیتی۔ بلاول بھٹو زرداری آکھیا جو ویزہ سہولیات بارے امریکی وزیر خارجہ نال تفصیلی ڳالھ تھئی اے۔