اسلام آباد۔13جنوری(اے پی پی) الیکشن کمیشن کراچی ، حیدر آبادسودھے سندھ دےمختلف ضلعیں اچ تھیوݨ آلے بلدیاتی انتخابات ملتوی کرݨ دی سندھ حکومت دی درخواست مسترد کرݙتی جݙاں جو وزارت داخلہ توں ٻہوں حساس پولنگ سٹیشناں تے فوج یا رینجرز دی تعیناتی یقینی بݨاوݨ کیتےول رجوع دا فیصلہ کیتے ۔ جمعہ کوں الیکشن کمیشن دا اہم اجلاس چیف الیکشن کمشنر سکندر سلطان راجہ دی صدارت اچ تھیا جیں اچ چارے …
الیکشن کمیشن سندھ دے مختلف ضلعیں اچ بلدیاتی انتخابات ملتوی کرݨ دی سندھ حکومت دی درخواست مسترد کرݙتی
مزید خبراں
اسلام آباد۔13جنوری(اے پی پی) الیکشن کمیشن کراچی ، حیدر آبادسودھے سندھ دےمختلف ضلعیں اچ تھیوݨ آلے بلدیاتی انتخابات ملتوی کرݨ دی سندھ حکومت دی درخواست مسترد کرݙتی جݙاں جو وزارت داخلہ توں ٻہوں حساس پولنگ سٹیشناں تے فوج یا رینجرز دی تعیناتی یقینی بݨاوݨ کیتےول رجوع دا فیصلہ کیتے ۔ جمعہ کوں الیکشن کمیشن دا اہم اجلاس چیف الیکشن کمشنر سکندر سلطان راجہ دی صدارت اچ تھیا جیں اچ چارے معزز ممبران شرکت کیتی ۔ اجلاس اچ صوبائی حکومت سندھ دی درخواست اتے نوٹیفکیشناں تے غور کیتا ڳئے ۔صوبائی حکومت کراچی ڈویژن، حیدرآباد اتے دادو ضلع دی ݙو تحصیلاں خیرپور ناتھن اتے مہر دے بلدیاتی انتخابات جیڑھے جو 15 جنوری 2023 کوں تھیندے پئن انہاں کوں ملتوی کرݨ دی درخواست کیتی اے ۔الیکشن کمیشن ایں ضمن اچ قانونی اتے آئینی تقاضیں کوں سامݨے رکھیندے ہوئیں صوبائی حکومت دی بلدیاتی انتخابات ملتوی کرݨ دی درخواست کوں نامنظور کرݙتے۔ تے حکم ݙتے جو کراچی ڈویژن، حیدرآباد اتے ٻئے ضلعیں اچ انتخابات شیڈول دے مطابق 15 جنوری کوں ہی تھیسن ۔ ایں ضمن اچ الیکشن کمیشن ھک آرڈر جاری کریندا پئے ۔الیکشن کمیشن اے وی فیصلہ کیتے جو وزارت داخلہ کوں آکھیا ونڄے جو انتخابات دے دوران حساس پولنگ سٹیشناں تے فوج/ رینجرز دی تعیناتی یقینی بݨائی ونڄے۔
