وزیر خارجہ اتے وزیر مملکت خارجہ امور 16 توں 20 جنوری ڈیووس اچ ورلڈ اکنامک فورم دے سالانہ اجلاس اچ شرکت کریسن ، دفتر خارجہ

اسلام آباد۔13جنوری(اے پی پی) وزیر خارجہ بلاول بھٹو زرداری اتے وزیر مملکت خارجہ امور حنا ربانی کھر 16 توں 20 جنوری تئیں سوئٹزرلینڈ دے شہر ڈیووس اچ تھیوݨ آلے ورلڈ اکنامک فورم دے 53 ویں سالانہ اجلاس اچ شرکت کریسن ۔اے ڳالھ دفتر خارجہ دی ترجمان ممتاززہرا بلوچ جمعہ کوں اتھاں ہفتہ وار پریس بریفنگ اچ آکھی اے ۔ انہاں آکھیے پاکستان ورلڈ اکنامک فورم دے اجلاساں اچ باقاعدہ شرکت کیندا پئے ۔ ترجمان آکھیے جو پاکستان فورم اچ عالمی اقتصادی اہمیت دے مسئلیں تے آپݨا نقطہ نظر پیش کریسی۔ وزیر خارجہ اتے وزیر مملکت سیاسی رہنماواں، کارپوریٹ ایگزیکٹوز، بین الاقوامی اداریں دے سربراہان، میڈیا تے سول سوسائٹی دی سرکردہ شخصیات اتے ٻئی ممتاز شخصیات نال وی ملاقات کریسن ۔