اسلام آباد۔19جنوری(اے پی پی) پاکستان اتے چین خنجراب بارڈر ݙو مرحلیاں اچ عارضی کھولݨ تے اتفاق کیتے۔ اے ڳالھ خمیس کوں دفتر خارجہ دی ترجمان ممتاز زہرا بلوچ پریس بریفنگ اچ ݙسائی جو پہلے مرحلے اچ خنجراب بارڈر 2 ݙینھ کیتے 19 اتے 20 جنوری اتے ݙوڄھے مرحلے اچ جنوری دے آخر توں فروری دے شروع تئیں چین دے بہار میلے دے بعد کھلسی۔ پاک چین خنجراب بارڈر ہر سال سیالے اچ بند راہندے ڄݙاں جو چین مقامی تاجراں دی سہولت کیتے سرحد عارضی طور تے ولا کھولݨ دی پاکستانی درخواست من ڳھدی اے۔ ترجمان آکھیے جو اساں خراب موسمی حالات دے باوجود بارڈر آپریشنز سانڳے ݙوہیں پاسو دے سرحدی حکام دی خصوصی کوششاں کوں منیندے ہیں۔
