اسلام آباد۔20جنوری(اے پی پی) وزیر خارجہ بلاول بھٹو زرداری سوئٹزرلینڈ اچ عالمی اقتصادی فورم دے اجلاس دے موقع تے گوگل دے ایشیا پیسیفک دے صدر سکاٹ بیومونٹ نال ملاقات کیتی۔ آپݨے ھک ٹویٹ اچ وزیر خارجہ آکھیے عالمی اقتصادی فورم دے اجلاس دے موقع تے سکاٹ بیومونٹ ںال مل تے خوشی تھئی اے ۔ بلاول بھٹو زرداری آکھیے ملاقات اچ پاکستان دی ڈیجیٹل اکانومی، ہنر تے انتہائی موسمی واقعات دی پیشں گوئی کیتے تکنیکی مدد کوں ودھاوݨ دے طریقیں تے ڳالھ مہاڑ کیتی ۔ انہاں آکھیے انہاں مقاصد کیتے سرکاری تے نجی شراکت داری کوں ودھارا ݙیوݨ دے منتظر ہیسے۔
