ڈیووس۔20جنوری (اے پی پی) وزیر خارجہ بلاول بھٹو زرداری آکھیا جو دنیا کوں موسمیاتی تبدیلی سودھے کئی چیلنجز ہن، پاکستان کوں فوڈ سکیورٹی اتے توانائی دے مسئلے ہن۔ جمعے کوں جیوپولیٹیکل صورتحال اچ سکیورٹی اتے کوآرڈینیشن دے موضوع تے مکالمہ اچ ڳالھ مہاڑ کریندیں ہوئیں انہاں آکھیا جو تریجھی دنیا دی معیشتاں ایں ویلھے دباؤ اچ ہن۔ پوری دنیا اچ گیس دے نرخ ودھین۔ روس ۔یوکرین جنگ دے اثرات خطہ سمیت پوری دنیا تے مرتب تھین۔ وزیر خارجہ آکھیا جو یوکرین۔روس تنازعہ دا ہکو حل سفارتکاری اے، خطے اچ تنازعے دے حل کیتے مثبت سوچ اپناوݨٰی ہوسی۔ انہاں ایں ڳالھ تے زور ݙتا جو روس اتے یوکرین کوں امن کیتے ڳالھ مہاڑ کرݨٰی پوسی۔ وزیر خارجہ بلاول بھٹو زرداری آکھیا جو روس اتےیوکرین وچال جنگ دے اثرات خطے سودھے پورے دنیا تے پن۔ دنیا کوں مسئلے دے حل کیتے آپسی تعاون نال چلݨا پوسی۔
