گیس سیکٹر اچ گردشی قرضیں دے وختی حل کیتے رپورٹ اتے ایکشن پلان کوں حتمی شکل ݙیون ، اسحاق ڈار دی گیس سیکٹر اچ گردشی قرضے دے حل کیتے قائم کمیٹی کوں ہدایت

اسلام آباد۔21جنوری(اے پی پی):وفاقی وزیر خزانہ و ریونیو سینیٹر اسحاق ڈار گیس سیکٹر اچ گردشی قرضے دے حل کیتے قائم کمیٹی کوں ہدایت کیتی اے جو او گیس سیکٹر اچ گردشی قرضیں دے وختی حل کیتے آپݨی رپورٹ اتے ایکشن پلان کوں حتمی شکل ݙیون۔ ہفتہ کوں وفاقی وزیر خزانہ دی صدارت اچ توانائی دے شعبہ اچ اصلاحات دے حوالے نال اجلاس منعقد تھئے جیں اچ وزیرمملکت خزانہ و محصولات ڈاکٹر عائشہ غوث پاشا، وزیرمملکت پٹرولیم مصدق ملک، وزیراعظم دے معاون خصوصی خزانہ طارق باجوہ، معاون خصوصی ریونیو طارق محمود پاشا، کمیٹی دے چیئرمین اشفاق یوسف تولہ، ایس ای سی پی دے چیئرمین، کنٹرولر جنرل پاکستان، اکائونٹنٹ جنرل پاکستان توں علاوہ خزانہ اتے پٹرولیم ڈویژن دے اعلیٰ حکام شرکت کیتی ۔ ایں موقع تے اشفاق یوسف تولہ اجلاس کوں گیس سیکٹر اچ گردشی قرضہ دی مقدار تے توانائی دے شعبہ اچ گردشی قرضہ دے ٻوڄھ کوں گھٹ کرݨ کیتے اصلاحات متعارف کراوݨ دے طریقہ کار تے فریم ورک بارے ݙسایا ۔ اجلاس تے ملک اچ اقتصادی ترقی دے حصول کیتے توانائی دے شعبہ اچ پائیداری دے حوالے نال قابل عمل تجاویز تے غور کیتا ڳئے ۔ وزیرخزانہ ایں موقع تے ڳالھ کریندے ہوئیں آکھیے جو توانائی دے شعبہ دے مسئلیں بشمول گردشی قرضے دے حل دی حکومتی ترجیحات تے عمل درآمد تے زور ݙتا تاں جو ایں شعبہ دے مالی استحکام اتے ملک دی اقتصادی ترقی کوں یقینی بݨایا ونڄ سڳے۔ وزیر خزانہ کمیٹی کوں ہدایت کیتی اے جو او گیس سیکٹر اچ گردشی قرضے دے مسئلے کوں وختی حل کرݨ کیتے آپݨی رپورٹ تے ایکشن پلان کوں حمتی شکل ݙیون ۔