اسلام آباد۔21جنوری (اے پی پی):وفاقی وزیر اطلاعات مریم اورنگزیب آکھیے مافیا تے وݙے وݙے ڈاکواں توں ملک کوں پاک کیتے ،چار سال اچ الزامات کیوں ثابت نی کیتے ؟ چور کیوں ثابت نہ کرسڳیے ؟ہݨ صرف چور آکھݨ نال ڳالھ نہ بݨسی ، چار سال ساری طاقت ہووݨ دے باوجود تساں ھک الزام ثابت نی کرسڳیے۔ ہفتے کوں عمران خان دی تقریر تے آپݨے ردعمل اچ انہاں آکھیے نیب چئیرمین …
مافیا تے وݙے وݙے ڈاکواں توں ملک کوں پاک کیتے ،چار سال اچ الزامات کیوں ثابت نی کیتے ؟ چور کیوں ثابت نہ کرسڳیے؟ وفاقی وزیر اطلاعات مریم اورنگزیب دا ردعمل
مزید خبراں
اسلام آباد۔21جنوری (اے پی پی):وفاقی وزیر اطلاعات مریم اورنگزیب آکھیے مافیا تے وݙے وݙے ڈاکواں توں ملک کوں پاک کیتے ،چار سال اچ الزامات کیوں ثابت نی کیتے ؟ چور کیوں ثابت نہ کرسڳیے ؟ہݨ صرف چور آکھݨ نال ڳالھ نہ بݨسی ، چار سال ساری طاقت ہووݨ دے باوجود تساں ھک الزام ثابت نی کرسڳیے۔ ہفتے کوں عمران خان دی تقریر تے آپݨے ردعمل اچ انہاں آکھیے نیب چئیرمین کوں بلیک میل کرتے سیاسی مخالفین کوں جیلاں اچ پاتا لیکن عدالت اچ الزامات کوڑ ثابت تھئے، ھک ثبوت پیش نہ کرسڳیے،پاکستان دیاں ساریاں عدالتاں تساݙے الزامات کوں ردی دی ٹوکری اچ سٹیا ۔انہاں آکھیے انگلینڈ دی نیشنل کرائم ایجنسی اتے برطانوی عدالت تساݙے الزامات مسترد کیتے، اساں 40 سال دا حساب ݙتے ، ھک الزام ثابت نی تھیا ،بنی گالہ اچ عدالت لاؤ تے خود جج بݨ ونڄو تے وکیل وی ، ول وی کوڑے الزام ثابت نہ تھیسن ۔ انہاں خان کوں الویندے ہوئیں آکھیے جتساں ایں قوم دی مہانگ ، قرضے ، معاشی تباہی اتے بے روزگاری دے مجرم ہیوے۔
