فواد چوہدری دی گرفتاری سیاسی نئیں، وفاقی وزیر اطلاعات اتے مسلم لیگ (ن) دی رہنما مریم اورنگزیب دی پریس کانفرنس

اسلام آباد۔25جنوری(اے پی پی)وفاقی وزیر اطلاعات اتے مسلم لیگ (ن) دی رہنما مریم اورنگزیب آکھیے جو فواد چودھری دی گرفتاری کوں سیاسی رنگ ݙیوݨ دی کوشش کیتی ویندی پئی اے،جیکر اساں سیاسی گرفتاری کرݨی ہوندی تاں سب توں پہلے عمران خان کوں پکڑیندے، فواد چوہدری دے خلاف مقدمی سیکرٹری الیکشن کمیشن دی درخواست تے تھئے، ایندا حکومت نال کوئی تعلق کائنی۔ اسلام آباد اچ پریس کانفرنس کریندے انہاں آکھیا جو مقدمے دے مدعی سیکرٹری الیکشن کمیشن ہین، فواد چودھری دی گرفتاری سیاسی نئیں۔ انہاں آکھیا جو افواج پاکستان دے خلاف پارٹی اکاؤنٹ توں مہم چلائی گئی، ایف آئی آر اچ کہیں سیاسی جماعت دا ناں ناں نئیں، الیکشن کمیشن کوں کھلیاں دھمکیاں ݙتیاں ڳن۔ سیاسی انتقام اے نئیں او ہا ڄݙاں بغیر وارنٹ گرفتاریاں تھینداں رہین، نوازشریف، شہباز شریف روز پیشیاں ٻھڳتدے رہین، مریم نواز کوں جیل ٻولی ڳئی۔ مریم اورنگزیب آکھیا جو 9 مہینے تؤں پی ٹی آعی ترجمان زبان درازی کریندن، 3 واری دا وزیر اعظم عدالت پیش تھی سڳدے تاں اے کیوں نئیں پیش تھیندے؟ جیکر اڄ انہاں کوں چھوٹ ݙتی ڳئی تاں ول ہر جماعت کوں استثنیٰ ݙیوݨا پوسی۔ وزیر اطلاعات آکھیا پہلے اداریاں کوں دھمکیندن، شہدا دے خلاف مہم چلیندن ول آہدن سیاسی انتقام دا نشانہ ٻݨیدے او ہݨ اے نا چلسی اتے قانون اپݨا رستہ ٻݨیسی، ڳالھیں مندے کݙھݨ آلیاں، پھاسیاں ݙیوݨ دی ڳالھ کرݨ آلیاں کوں چھوٹ نئیں ݙتی ونڄ سڳدی۔