اسلام آباد۔26جنوری(اے پی پی) حریت رہنما یاسین ملک دی ذال مشعال حسین ملک آکھیے جو جمہوریت دا کوڑا لبادہ پاتے بھارت نام نہاد’’ ری پبلک ڈے‘‘ منیندا پئے ،بھارت دنیا دی اکھ اچ مٹی پاوݨ کیتے اے ݙینھ منیندے ،بھارتی فوج گزریل 75 سالاں توں پری کشمیری قوم کوں خون اچ دھویندی پئی اے ۔بھارت دے نام نہاد یوم جمہوریہ تے اپݨے بیان اچ مشعال ملک آکھیے جمہوریت دا کوڑا لبادہ پاتے بھارت کشمیریاں دی نسل کشی اچ مصروف اے۔جموں و کشمیر اچ لکھاں دی تعداد اچ تعینات بھارتی فوج کشمیریاں دے جسماں کوں گولیوں توں چھلنی کریندے پئن ۔بھارتی فوج توں کشمیری خواتین دی عزت تئیں محفوظ کائنی ،بھارتی فوج کشمیریاں دے گھراں کوں بھاہ لیندی پئی اے ۔ مشعال ملک آکھیے بھارتی فوج توں نکے نشوم کشمیری وی محفوظ کائنی ، بھارتی حکومت سیاسی جہدوجہد تے کشمیری رہنماواں تے کوڑے مقدمے بݨا رکھئن ۔ ݙاہ لکھ فوج نال بھارتی حکومت پنجاہ لکھ ہندوستانیاں کوں وی کشمیری شناخت ݙے ݙتی۔
