اسلام آباد۔26جنوری (اے پی پی) کل جماعتی حریت کانفرنس آزاد کشمیرشاخ خمیس کوں بھارت دے یوم جمہوریہ کوں کالا ݙینھ دے طور مناوݨ کیتے اسلام آباد اچ بھارتی ہائی کمیشن دے سامھے احتجاجی مظاہرہ کیتا۔ کشمیر میڈیا سروس موجب احتجاجی مظاہرے اچ کل جماعتی حریت کانفرنس آزا د جموں وکشمیر شاخ دے رہنماواں دے علاوہ آزاد کشمیر دی مختلف سیاسی جماعتاں دے رہنماء شریک تھیے۔ مظاہرین کالے جھنڈے اتے بینرز پلے کارڈ چاتے ہوئے ہن جئیں تے بھارت دے خلاف اتے کشمیر دی آزادی دے حق اچ نعرے لکھے ہن۔ کل جماعتی حریت کانفرنس آزاد کشمیر شاخ دے کنوینر محمود احمد ساغر بھارت دے غیر قانونی زیر تسلط علاقے اچ ودھدی ریاستی دہشت گردی تے تشویش کریندیں ہوئیں آکھیا جو بھارت کشمیریاں دے جذٻہ آزادی کوں دباوݨ کیتے وحشیانہ حربے استعمال کریندا پےپر اپݨے مذموم عزائم اچ ناکام تھی ڳے۔ غلام محمد صفی،محمد فاروق رحمانی، حسن البنا، ایڈووکیٹ پرویز احمد شاہ، عبدالرشید ترابی، سردار عنایت اللہ، سلیم ہارون، امتیاز وانی اتے ٻے رہنماواں ایں ڳالھ تے افسوس کیتا جو بھارت مقبوضہ علاقے اچ آبادی دے تناسب کون بدلݨ دی کوشش کریندا پے۔ انہاں مطالبہ کیتا جو بھارت دے غیر قانونی زیر تسلط جموں و کشمیر اچ بھارتی مظالم رکواوݨ اچ اقوام متحدہ اپݨا کردار ادا کرے۔
