اسلام آباد۔26جنوری(اے پی پی)وزیراعظم محمد شہبازشریف امریکا نال پاکستان دے تکڑے تعلقات دی اہمیت ڳݨویندے آکھیے جو پاکستان امریکا نال ݙوطرفہ تجارتی و اقتصادی تعلقات ڳھاٹے کرݨ چاہندے۔ اے ڳالھ انہاں امریکہ دے سفیر ڈونلڈ بلوم نال ملݨ ویلھے الیندے آکھی۔ وزیراعظم ریزیلیئنٹ پاکستان بین الاقوامی کانفرنس سودھا سیلاب دے بعد پاکستان دی تعمیر نو و بحالی کوششاں سانڳے امریکی تعاون دی تعریف کیتی۔ وزیراعظم زور ݙتے جو ݙوہاں ملکاں وچال منظم و وسیع البنیاد رابطے، ݙوطرفہ و علاقائی شعباں اچ مشترکہ مقاصد ودھاوݨ کیتے اہم ہین۔ امریکی سفیر یقین ݙیوایا جو امریکہ سیلاب توں بحالی دے نال نال معاشی ترقی و اصلاحات کیتے پاکستان دا پورا ہتھ ونݙیسی۔
