اسلام آباد۔26جنوری(اے پی پی)صدرمملکت ڈاکٹر عارف علوی فریقین کوں آکھیے جو او ٻالاں دا سکولاں اچ داخلہ لازمی ٻݨایا ونڄے، ایف ایس سی کوالیفائیڈ طلبا کوں اعلیٰ تعلیمی اداراں اچ بھیڄیا ونڄے، ملک اچ پرائمری دے ٻالاں دے سکولاں اچ اندراج دی شرح صرف 68فیصد اے جیڑھی ٻنھاں ملکاںد ے قمابلے اچ ٻہوں ڳھٹ اے جیندے نال ملک اچ معاشی و اقتصادی ترقی دی رفتار اتے معیاری انسانی وسائل اچ مسلہ اے۔ اے ڳالھ انہاں ورچوئل یونیورسٹی آف پاکستان دے کانووکیشن دی تقریب نال خطاب اچ آکھی۔ صدر مملکت آکھیا جو سکول ونڄݨ آلی عمر دے ٻالاں کوں سکولاں ونڄݨا چاہیدے اتے کوئی وی ٻال تعلیم توں محروم نئیں رہݨا چاہیدا۔ انہاں آکھیا جو ملکی ترقی کیتے شرح تعلیم، اعلیٰ تعلیم اچ دلچسپی اتے معیاری تحقیق تے توجہ ݙیوݨی ہوسی۔
