اسلام آباد۔26جنوری(اے پی پی)وفاقی وزیر قومی غذائی تحفظ اتے تحقیق طارق بشیر چیمہ آکھیے جو ملکی سیاست اچ سنجیدگی دی لوڑھ اے، پاکستان مسلم لیگ ق چوہدری شجاعت حسین دی اڳواݨی اچ حکومت دی اتحادی اے، مسلم لیگ دے سنجیدہ لوک چوہدری شجاعت حسین دے نال ہین۔ اسلام آباد اچ وفاقی وزیر سالک حسین نال پریس کانفرنس کریندے انہاں آکھیا جو ملکی تاریخ اچ پہلی واری کہیں سیاسی جماعت دے فیصلے اینڄھے بیوقوفانہ تھیندے پن، چوہدری شجاعت حسین ہی ق لیگ دے صدر ہین، ق لیگ دے جنرل کونسل اجلاس اچ اہم فیصلے تھیسن اتے ثابت تھی ویسی جو وچو وچو کیا ڈرامہ ہا، اے ٹولہ پی ٹی آئی اچ ولݨ چاہندے اتے امید اے جو الیکشن کمیشن مسلم لیگ ق دی صدارت بارے تیکھے محفوظ فیصلہ سݨیسی جیڑھا میرت تے اتے مسلم لیگ ق دے عام ورکرز دے حق اچ ہوسی۔
