اسلام آباد۔27جنوری(اے پی پی) وزیراعظم محمد شہباز شریف مارگلہ ریلوے سٹیشن اسلام آباد تے گرین لائن ایکسپریس ریل ڳاݙی دا افتتاح کیتا ۔ وزیراعظم آفس دے میڈیا ونگ توں جاری بیان موجب وزیراعظم ایں موقع تے ریل ڳاݙی اچ سفری سہولتاں دا جائزہ ڳھدا ۔ ایں موقع تے وزیرخزانہ اسحا ق ڈار، وزیرریلوے خواجہ سعد رفیق، وزیر منصوبہ بندی احسن اقبال وزیراعظم دے رلے ہن۔ وزیر ریلوے خواجہ سعد رفیق وزیر اعظم کوں ریل ڳاݙی بارے بریفنگ ݙتی۔جدید سہولتاں توں آراستہ گرین لائن ایکسپریس ریل ڳاݙی اسلام آباد توں کراچی براستہ پاکستان ریلویز مین لائن۔ ون پیسنجر سروس مہیا کریسی ۔ اے ریل ڳاݙی راولپنڈی، چکلالہ ،لاہور ، خانیوال ، بہاولپور، روہڑی ، حیدرآباد اتے ڈرگ روڈ ریلوے سٹیشنز تے رکسی ۔
