اسلام آباد۔27جنوری (اے پی پی) ملک دے مغربی اتے اُتلے علاقیاں اچ چھݨ چھݨ توں سنوار تئیں پہاڑاں تے برف پووݨ دے نال مینہ وسݨ دا امکان اے۔ مغربی ہوائیں پاروں انہاں علاقیاں اچ ٹھڈ ودھݨ دا توقع اے اتے برفباری اتے لینڈ سلائیڈنگ پاروں سڑکاں بند تھویݨ دا خدشہ اے۔ پیشین گوئی دی مدت اچ کہیں وی ناخوشگوار صورتحال توں بچݨ کیتے سارے متعلقہ اداریاں کوں الرٹ رہوݨ دا مشورہ ݙتا ڳے۔ محکمہ موسمیات موجب مغربی ہوائیں چھݨ چھݨ دے ملک دے مغربی حصیاں اچ آوݨ دا امکان اے جیڑھی آݙت وار کوں اتلے علاقیاں کوں اپݨٰی ولھیٹ اچ ڳھنسن اتے سنوار دی ݙوپہر تئیں رہسی۔ ایں نظام دے اثر اچ مری، گلیات، کشمیر (وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور)، گلگت بلتستان (دیامیر)، استور، غذر، سکردو، ہنزہ، گلگت، گھانچے، شگر)، چترال، دیر، سوات، مانسہرہ، ہری پور، کوہستان، ایبٹ آباد 28 (شام/رات) توں 30 جنوری تئیں اتے اسلام آباد، پوٹھوہار ریجن، گوجرانوالہ، گجرات اچ ، حافظ آباد، منڈی بہاؤالدین، سیالکوٹ، نارووال، لاہور، فیصل آباد، ٹوبہ ٹیک سنگھ، جھنگ، قصور، شیخوپورہ، ننکانہ صاحب، خوشاب، میانوالی، سرگودھا، کرک، پشاور، چارسدہ، نوشہرہ، صوابی، بونیر، باجوڑ، کرم، وزیرستان، کوہاٹ، بنوں اتے ڈیرہ اسماعیل خان اچ 29 اتے 30 جنوری کتھائیں کتھائیں مینہ وسݨ اتے پہاڑاں تے برف پووݨ دا امکان اے۔ ایں وچال بھکر، لیہ، ملتان، ڈیرہ غازی خان، سکھر، بہاولپور، ساہیوال، اوکاڑہ اتے پاکپتن اچ وی ہلکا مینہ وسݨ دا امکان اے۔ مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ اتے حویلیاں اچ وچلے درجے دی شدید برفباری نال 28 تاریخ کوں سڑکاں بند تھی سڳدن۔
