اسلام آباد۔27جنوری(اے پی پی) اراکین سینیٹ سویڈن اچ قرآن پاک دی بے حرمتی دے واقعہ دی مذمت کریندیں ہوئیں آکھیا جو سویڈن اچ قرآن پاک دی بے حرمتی دا افسوسناک واقعہ انسانی حقوق، انسانیت دے احترام دی سنگین خلاف ورزی اے۔ مسلماناں کوں کٹھے تھی تے ایں معاملے تے سخت موقف ݙیوݨا چاہیدے۔ جمعے کوں سینیٹ اجلاس اچ سویڈن اچ قرآن پاک دی بے حرمتی دے واقعہ دے خلاف قرارداد تے بحث کریندیں ہوئیں سید یوسف رضا گیلانی آکھیا جو سویڈن اچ قرآن پاک دی بے حرمتی دا واقعہ افسوس ناک اے۔ سینیٹر مشتاق احمد آکھیا جو سویڈن اچ تھیوݨ آلا واقعہ ݙیݙھ ارب مسلماناں تے حملہ اے۔ نیدرلینڈ اتے سویڈن دی حکومت ولوں موکل ݙیوݨ دی مذمت کرینداں۔ سینیٹر انوار الحق کاکڑ آکھیا جو ایں واقعے دی شدید مذمت کریندوں۔ سینیٹر تاج حیدر آکھیا جو حضور اکرم ﷺ دا ساری انسانیت کیتے رحمت عالم ٻݨ تے آئن۔ قرآن پاک سماجی، معاشی اتے مشکلاں دا حل ݙیندے۔ قرآن پاک دی بے حرمتی اتے حضور اکرمﷺ دی شان اچ گستاخی کیتی ویندی اے۔ اسلام امن دا سنیھا ݙیندے۔ سینیٹر فیصل جاوید آکھیا جو سویڈن اچ قرآن پاک دی بے حرمتی دے واقعہ دی شدید مذمت کریندوں۔
