ضمنی مالیاتی بل قومی اسمبلی پیش کر ݙتا ڳیا، پی ٹی آئی دور اچ عام بندے دی آمدݨ ڳھٹ تھئی اے، اسحاق ڈار

اسلام آباد۔15فروری (اے پی پی) ضمنی مالیاتی بل 2023 قومی اسمبلی اچ پیش کر ڈتا ڳیا اتے وفاقی وزیر برائے خزانہ و محصولات اسحاق ڈار آکھیاجو مسلم لیگ (ن) دے دور حکومت اچ مجموعی قومی پیداوار 112 ارب ڈالر دے ودھارے دے مقالبے اچ سابق حکومت دی نااہلی پاروں قومی پیداوار صرف 26 ارب ڈالر دا ودھارا تھیا، پی ٹی آئی دی ناقص پالیسیاں پاروں معیشت دا ضیان تھیا، پی ٹی آئی دور اچ عام بندے دی آمدݨ ڳھٹ تھئی اے۔اے ڳالھیں انہاں بدھ کوں قومی اسمبلی اچ سپلیمنٹری فنانس بل پیش کریندیں ہوئیں آکھی۔ وزیرخزانہ سپلیمنٹری فنانس بل پیش کریندیں ہوئیں بل تے معزز ایوان کوں اعتماد اچ ڳھنݨ چاہنداں۔ اسحاق ڈار ایوان توں خطاب اچ آکھیا جو پچھلی حکومت دی نااہلی پاروں قومی پیداوار صرف 26 ارب ڈالر دا ودھارا تھیا، پی ٹی آئی دی ناقص پالیسیاں پاروں معیشت دا ضیان تھیا، پی ٹی آئی دور اچ عام بندے دی آمدݨ ڳھٹ تھئی اے۔ انہاں آکھیا جو نواز شریف دور اچ مجموعی قومی پیداوار اچ 112 ارب ڈالر دا ودھارا تھیا ہئی۔ نواز شریف اچ معیشت دنیا اچ چوویں نمبر تے آڳی ہئی۔ 2022 اچ پاکستان دنیا دی 47ویں معیشت ٻݨ ڳے۔ پاکستان اسٹاک ایکسچینج جنوبی ایشیا اچ پہلے نمبر تے ہئی، مہانگ اچ ودھارے دی شرح ݙو فیصد ہئی۔ اسحاق ڈار آکھیا جو سازش نال نواز شریف دی حکومت کوں ہٹایا ڳیا۔ وزیرخزانہ مطالبہ کیتا جو معاشی تنزلی دی وجوہات جانݨ کیتے قومی کمیشن ٻݨایا ونڄے۔