وزیر خارجہ بلاول بھٹو زرداری میونخ سکیووزیر خارجہ بلاول بھٹو زرداری میونخ سکیورٹی کانفرنس اچ شرکت کیتے جرمنی دے دورے تے ہن، ترجمان دفترخارجہرٹی کانفرنس اچ شرکت کیتے جرمنی دے دورے تے ہن، ترجمان دفترخارجہ

اسلام آباد۔16فروری (اے پی پی) وزیر خارجہ بلاول بھٹو زرداری 16 توں 20 فروری تئیں میونخ سکیورٹی کانفرنس اچ شرکت کیتے جرمنی دے دورے تے ہن۔ دفتر خارجہ دی ترجمان ممتاز زہرا بلوچ خمیس کوں پریس بریفنگ اچ آکھیا جو وزیرخارجہ سکیورٹی کانفرنس اچ گول میز مباحثے سودھے کئی پروگراماں اچ شریک تھیسن۔ انہاں آکھیا جو بلاول بھٹو زرداری اپݨے ہم منصباں اتے کانفرنس اچ شریک رہنماواں نال ݙو پاسہ ملاقاتاں کریسن۔ ترجمان آکھیا جو وزیر خارجہ جرمنی دے دورہ دے بعد لتھوانیا دے وزیر خارجہ دی دعوت تے سرکاری دورے تے لتھوانیا ویسن۔ وزیر خارجہ بلاول بھٹو زرداری 20 توں 21 فروری تئیں ولنیئس اچ وزیر خارجہ گیبریلیس لینڈسبرگس نال وسیع معاملیاں تے ڳالھ مہاڑ کریسن۔ اپݨے دورے دے چھیکڑی مرحلے اچ وزیر خارجہ بلاول بھٹو زرداری 21 توں 22 فروری تئیں ہنگری دا دورہ کریسن۔