صدر مملکت دا چیف الیکشن کمشنر کوں خط، انتخابات بارے صلاح کیتے ہنگامی اجلاس کیتے سݙ ڳھدے

اسلام آباد۔17فروری(اے پی پی)صدر مملکت ڈاکٹر عارف علوی چیف الیکشن کمشنر سکندر سلطان راجہ کوں انتخابات بارے صلاح مشورے کیتے 20 فروری 2023 کوں ایوان صدر اچ ہنگامی اجلاس کیتے سݙ ڳھدے۔ الیکشنز ایکٹ 2017 دی شق 57 (1) دے تحت صدر مملکت عام انتخابات دی تاریخ دا اعلان الیکشن کمیشن آف پاکستان نال صلاح توں بعد کیتا ویسی۔ اپݨے خط اچ صدر مملکت آکھیے جو انہاں دے 08 فروری دے خط دے بعد توں معاملے تے لاہور ہائی کورٹ دے فیصلے اتے سپریم کورٹ دے اڄوکے مشاہدات ڄھیں اہم پیش رفت تھئی اے۔ صدر مملکت پہلے خط تے ولدا نا ݙیوݨ تے ناراضگی کریندے آکھیے جو میں تانڳھی ہاں جو الیکشن کمیشن اپݨے آئینی فرائض نٻھیسی، کویں جو اے رویہ مایوس کن اے۔ صدر مملکت دعوت ڈتی اے جو آئین دے تحفظ و دفاع دی آئینی ذمہ داری سانڳے چیف الیکشن کمشنر کوں 20 فروری 2023 کوں اپݨے دفتر اچ انتخابات تے صلاح کیتے ہنگامی ملاقات کیتے سݙا ݙینداں۔