اسلام آباد۔22فروری(اے پی پی)صدر مملکت ڈاکٹر عارف علوی ملک اچ فٹبال دی ترقی کیتے بین الاقوامی معیارات اپناوݨ اتے کھلاڑیاں دی ہر سطح تے بھرپور حوصلہ افزائی کرݨ تے زور ݙیندے آکھیے جو ایں بارے بین الاقوامی شراکت داراں نال روابط ودھاوݨ تے پبلک پرائیویٹ پارٹنرشپ اپناوݨ دی لوڑھ اے۔ او ایوان صدر اچ پاکستان دی جواناں اتے تریمتیں دی قومی فٹبال ٹیماں دے ارکان نال ملݨ ویلھے الیندے پئے …
صدر مملکت ڈاکٹر عارف علوی نا ل تریمتیں اتے جواناں دی قومی فٹبال ٹیماں دی ملاقات
اسلام آباد۔22فروری(اے پی پی)صدر مملکت ڈاکٹر عارف علوی ملک اچ فٹبال دی ترقی کیتے بین الاقوامی معیارات اپناوݨ اتے کھلاڑیاں دی ہر سطح تے بھرپور حوصلہ افزائی کرݨ تے زور ݙیندے آکھیے جو ایں بارے بین الاقوامی شراکت داراں نال روابط ودھاوݨ تے پبلک پرائیویٹ پارٹنرشپ اپناوݨ دی لوڑھ اے۔ او ایوان صدر اچ پاکستان دی جواناں اتے تریمتیں دی قومی فٹبال ٹیماں دے ارکان نال ملݨ ویلھے الیندے پئے ہن۔ ملاقات اچ فیفا دی مقررہ نارملائزیشن کمیٹی دے چیئرمین ہارون احمد ملک اتے کمیٹی اراکین وی موجود ہن۔ انہاں فٹبال کوں ضلعی اتے کلب دی سطح تے فروغ ݙیوݨ، کھلاڑیاں دی صلاحیتان و تربیت ودھاوݨ سودھا نارملائزیشن کمیٹی کوں فعال ٻݨاوݨ دی ہدایت کیتی اتے آکھیا جو پاکستان فٹ بال فیڈریشن (پی ایف ایف) کوں سیاست بازی توں پاک کرݨا ہوسی۔
