اسلام آباد۔24فروری (اے پی پی) وزیردفاع خواجہ محمدآصف ماضی اچ تھیوݨ آلی غلطیاں دے ازالے اتے اڄوکے بحران دے حل کیتے عدالت عظمیٰ دے فل کورٹ ٻݨاوݨ دی لوڑھ تے زور ݙیندیں ہوئیں آکھیا جو ملک کہیں بحران دا متحمل نی تھی سڳدا، قانون اتے آئین دی پیروی کریندیں ہوئیں بحران حل کرݨ عدلیہ اتے اساں ساریاں تے فرض تے قرض اے۔ ''جیل بھرو''فلم فلاپ تھی ڳی اے ہݨ ''بݙ …
بحران دے حل کیتے عدالت عظمیٰ دے فل کورٹ ٻݨاوݨ دی لوڑھ اے، ”جیل بھرو”فلم فلاپ تھی ڳی اے ہݨ ”بݙ مرو”فلم چلائی ویسی،وزیردفاع خواجہ محمد آصف دی قومی اسمبلی اچ ڳالھ مہاڑ
اسلام آباد۔24فروری (اے پی پی) وزیردفاع خواجہ محمدآصف ماضی اچ تھیوݨ آلی غلطیاں دے ازالے اتے اڄوکے بحران دے حل کیتے عدالت عظمیٰ دے فل کورٹ ٻݨاوݨ دی لوڑھ تے زور ݙیندیں ہوئیں آکھیا جو ملک کہیں بحران دا متحمل نی تھی سڳدا، قانون اتے آئین دی پیروی کریندیں ہوئیں بحران حل کرݨ عدلیہ اتے اساں ساریاں تے فرض تے قرض اے۔ ”جیل بھرو”فلم فلاپ تھی ڳی اے ہݨ ”بݙ مرو”فلم چلائی ویسی۔ جمعے کوں قومی اسمبلی دے اجلاس اچ ڳالھ مہاڑ کریندیں ہوئیں خواجہ محمد آصف آکھیا جو ایں ویلھے سپریم کورٹ سامھے ہک ازخود نوٹس دے تحت کجھ سوالات رکھیے ڳن جئیں دے جوابات سپریم کورٹ اچ ݙتے ویسن۔ ایں وچا سیاسی پارٹیاں، حکومت،الیکشن کمیشن، بارکونسلز اتےبارایسوسی ایشنز وی فریق ہن۔ اہمیت دا حامل مقدمہ شروع تھیے، ایندے اثرات اڄوکے حالات نی بلکہ مستقبل دے سیاسی حالات تے وی پوسن۔
