شہریاں کیتے شناختی کارڈ اتے پاسپورٹ کیتے سوکھ ݙتا ونڄے، وزیراعظم شہباز شریف

اسلام آباد۔1 مارچ(اے پی پی)وزیراعظم محمد شہباز شریف شہریاں کیتے شناختی کارڈ اتے پاسپورٹ ݙیوݨ کیتے سوکھ ݙیوݨ دی ہدایت کریندے آکھیے جو کفائت شعاری اتے بچت کیتے نادرا، ڈائریکٹریٹ جنرل آف امیگریشن آف پاسپورٹ دفتر اتے وسائل ونݙن تاں جو قومی خزانے تے ڳھٹ ٻھار پووے، اے ڳالھ انہاں شہریاں کوں شناختی کارڈ اتے پاسپورٹ ݙیوݨ کیتے جائزہ اجلاس دی اڳواݨی کریندے آکھی۔ اجلاس اچ وفاقی وزیر خزانہ و محصولات سینیٹر اسحاق ڈار، وفاقی وزیر داخلہ رانا ثنا اللہ، وفاقی وزیر تعلیم رانا تنویر حسین، چیئرمین نادرا، ڈائریکٹر جنرل امیگریشن اینڈ پاسپورٹس اتے متعلقہ اعلیٰ سرکاری افسران شرکت کیتی۔ وزیراعظم نادرا مراکز اچ پاسپورٹ دفتر دے کاؤنٹرز ٻݨاوݨ، شہریاں کوں شناختی کارڈ سروس انہاں دی درسال تے ݙیوݨ کیتے موبائل نادرا وینز دی تعداد ودھاوݨ دا وی آکھیا۔ اجلاس اچ نادرا شہریاں گھر بیٹھے شناختی کارڈ دی تجدید دی سہولت، نادرا موبائل ایپس تے وی بریفنگ ݙتی ڳئی۔